究竟係由幾時開始..

我身邊已經變到冇哂人..?

會唔會係..由始至終都冇..只係自己而家至知..

近日我發現朋友真係好重要

所以我決定左再有聚會我一定要去

點知人地一約我..我就病左..

又咳又喉嚨痛及頭痛..點bbq呀..

下一次,我一定要去至得!

我20歲女啦..唔再係青少年lu..

不過自己成日都唔記得自己係20歲..基本上重覺得自己係18歲..

以前細個覺得凡係20歲或以上既大姐姐都係了不起既人

估唔到到左自己20歲,竟然係一個咁差勁既人..一事無成..

如果父母而家靠我養..咁就真係死左好耐..

o係公司要煩既野愈來愈多

10月4日要搞追月晚會..

到左01年1月3日要搞業主大會,揀管理公司同清潔公司

如果續唔到約,咁我會點呢?入新公司?人地可能唔請wo~

轉盆都可能冇人要..oh..

少一個近乎零

今晚睇電視，我見到呀文同呀康

真係唔睇唔知佢倆個參加左一個咁大既比賽

我好開心，之後同個妹講

“佢倆個，我識架~係我既朋友”

之後，諗多諗，話 “係我朋友既朋友”

再諗深一d，究竟朋友既定義係咩呢?我自己都唔清楚

我地而家既關係，重算係朋友嗎?

我同呢位朋友，已經唔算係朋友

而佢既朋友，就更加唔應該算係我既朋友..

三位，可能都只係曾經相識既人而已..

唉..我發現一個人果時真係幾悶..

冇咩目的..百無了賴咁..

好想公開下個XANGA,等人地黎睇下..

比D動力自己打下日記..

但係..咁樣就唔能夠再唱所欲言地打自己想打既野..

咁樣太易暴露自己既情感..

好易比敵人發現..之後死無葬身之地..

桃花依舊..面目全非..

以前最鐘意既地方最留戀既地方..

而家都已經同我冇哂關係啦..

以前最鐘意/最常去既地方

而家都好少去

而以前鐘意既人..

亦都唔係我再鐘意既人..

唔~有d動力打日記喇~

4月14日,表姐仔小丁丁去飛去外國讀書喇~

冇去送機,真係唔好意見呢..sorry呀..

希望你一切順順利利啦~

他日你回來,必定大有作為架~

在這之前,記住好好保重身體呀~!我屋企度大門幾時都為你而開架~bb~

今年,我要repeat英文會考..仍然唔係好想去溫書..真係衰到貼地..

>﹏<$540架~!可唔可以唔好哂錢呀!?