呀~真係好耐冇打過日記啦~

里一段日子發生左好多事

包括做左可能係里一世人入面最不堪最後悔既事..

咁里一d咁衰既事就唔o係度提啦..

最開心既係09年2月14日終於由CSA轉左做Clerk~

姐係星期六終於唔洗番哂全日喇~可以放下午~

同埋3月20日起，屋企多左個小成員~

我地養左隻小狗─松松~

有時佢d行為真係令人覺得佢唔似係一隻狗~

有時似貓，有時似碗熊，有時似老鼠..

總括黎講佢都算乖同得意~不過難教d..重未教到佢大小便去岩位..

如果比我揀多次，我諗我都係揀唔養佢..

因為唔想負責任之餘..亦好怕有日佢死o係我面前..

而家份工，令人有一種唔想做既感覺..

好似蛇鼠一窩..浪費光陰..冇嘜前途咁..

不過而家市道咁樣..可以去得邊?

新既一年，新既開始

2009年啦

新既一年，新既開始

唔應該記得既~盡早忘記吧~

再見史納莎...

今日wo..班保安o係食lunch前同我講話某座有隻狗比人遺棄左..

放左o係度幾個鐘..

我lunch之後,佢地話已經報左漁農署..

我一去睇..原來係隻老老地既男仔史納莎..摸左佢好耐..

佢好乖..好聽話..我好唔忍心佢比人捉左去..

Call左媽媽黎睇..佢都心軟..我地打算帶佢番屋企架啦..

點知座頭保安話唔可以就咁帶走..

要報番控制室..咁我打番去..

個死呀伯又話q我..話係佢有病..人地至唔要佢..

重話: “哎也~你唔好咁啦~都call左漁農署黎收咯~你係鐘意就自己去漁農署認領過第隻啦~”

真係仆佢個街丫!一d愛心都冇!比我做下好人都唔得!

里個呀伯咁q老!一d陰德都唔肯積下!真係abcdefg佢!

而家我唔係求求其其咁想帶隻狗番屋企呀!

我係唔忍心里隻咁乖既狗比左捉左去人道毀滅呀!

收線之後,我同座頭果2個保安講番

我問佢地: “你當有住戶認領左得唔得呀?”

佢話: “咁我地都要落簿係邊一個單位格”

我話: “咁你當佢整甩左條繩走甩左得唔得呀..”

佢話: “里d話哂係我地既職責,唔係你既職責”

我話: “咁算lor~!當我睇唔到,佢繼續o係度啦~”

真係仆佢個街!講個大話救番一條生命都唔得!

講到尾都係怕 “咩”獲既自私怪!!!乞人憎!!

如果我唔係里個辦事處既人..可能..我就可以帶佢走架啦..

之後,我唯有同我媽媽走..果時..隻狗竟然識吠..

佢好想我地帶佢走..真係好心痛..個心好唔舒服呀..

番到office之後..都眼濕濕..唉..之後..有人話比我佢..佢比人車走左啦..

唔知漁農署會點對佢呢..希望會有善心人士養佢啦..

好希望佢拿拿聲有人要..可以快樂咁活落去啦..

究竟點解..人類最忠誠既朋友..都會比人出賣..比人遺棄..

『動物何罪?!請愛惜生命..』

里期..心情一直唔多好..

我好想知..但又好怕面對..

唔面對..就一世都係咁嗎..?

麻木

今日呀妹生日，又有新經理黎

Alan放假..我要頂佢收管理費，本應以為一切安好..

以為自己冇再禁錯制..唔洗void單..沾沾自喜..

Lunch有新經理請飲茶..4點有同事請飲許留山..

點知..埋數果時發現少左80蚊..

唉..真係仆街..數左2-3次都廢事數啦..

自己嘔番出黎lor..80蚊解決到既問題..應該唔係大問題..

當自己今日冇人請..比番自己果份啦..

講多都無謂..